Sakska chce dale srjedźišćo w Praze(lh) | 2009-06-23 |
|
Drježdźany. Na předewzaću sakskeho statneho knježerstwa, zo so w rumnosćach Praskeho Serbskeho seminara wutwori zetkawanske a kulturne srjedźišćo, njeje so ničo změniło. Tole potwjerdźi nowinski rěčnik knježerstwa SN. Zdobom wón wuzběhny, zo je do zdźěłanja koncepta za saksko-serbske a čěske zarjadnišćo Domowina zapřijata. 18. februara bě ministerski prezident Stanisław Tilich (CDU) w tutej naležnosći rozmołwy z politiskimi zamołwitymi w metropoli nad Wołtawu wjedł. Domowina je mjeztym z Towaršnosću přećelow Serbow w Praze kooperaciske zrěčenje wo zhromadnym wužiwanju wěstych rumnosćow Serbskeho seminara wujednała. Tute ma Zwjazkowe předsydstwo Domowiny, schadźowace so 4. julija w Njebjelčicach, rozjimać a schwalić. Serbske Nowiny 23.6.2009 (BD) | |