Wozjewjenje w serbskich medijach - a w 12 němskich nowinach(!) na samsnym dnju.

Serbske powěsće rańšeho wusyłanja MDR
Aktualne powěsće: štwórtk, 22.07.2010

Wotrow: Młodźina so hiba
Wotrowska młodźina je wčera wozjewiła wotewrjeny list na Drježdźansko-Mišnjanskeho biskopa Joachima Reinelta. Młodostni proša jeho, cofnyć rozsud wo přesadźenju fararja Tomaša Dawidowskeho do Vogtlanda. Zdobom kritizuja woni biskopstwo za wašnje wobchadźenja z Wotrowskej wosadu. W lisće rěka dale, zo by był wotchad Dawidowskeho za Wotrowsku wosadu "wulka katastrofa", a zo rozsud biskopa dowěru do cyrkwje zadusy. - Paralelnje k wotewrjenemu listej zběraja we Wotrowje hižo wjacore tydźenje podpisma za fararja Dawidowskeho.